23.4.09

...أشوالك بعادي



بس علمني شقول
لي خلص منّا الكلام

لي انتهينا و ما بقى حتى سبب
لـخاطره نبدي سلام

لا تصر إني استمر
لا تقول لي: "تقدرين..
بس شوية صبر
ينقصج لو تحسبين"

لا تعلق لي وعودك
زينة بأعناق احتياجي
ترتجتي منها في يوم... وسط أحضانك أنام

لا يصبرني صبر
ولا يبقـّيني أمان..



بس لو تفهم عنادي
ماانتَ من يقدر عليه
لا ولا أقدر عليه
قلبي مو حكم الأيادي
قد فقدته من زمان

قد وهبته إنسان عادي
عقبها صار بحياتي
كل شي ٍ ما هقيته..


تاهت دروبي بعينه
يومها كان الهيام
بخافقي مقبل و غادي

إيه من يوم ما هويته...
زانت الدنيا بـعيوني... ولـْبـِسَت قوس القزح
عطرها صار الفرح


 

إيه أحبه من زمان
إيه صار أقصى أمنياتي



بس وش باقي كلام
لا تقول بـتقدرين
لو أحاول ما أحاول
لو تحاول ما تحاول

مو بـكيفك من تحب
لا اغتصاب ولا غصب

ولا بـكيفي لو بـحب
ومن مـَلا كلـّي فلان..


شفت شلون الكلام
ضاع منك و الأمل
ضاع فيني وخيـّبك
مات قبل يقرّبك



بس ترى لك إحترام
لكن أشوالك بعادي..


لا تقول ولا أقول
ماله أي داعي الكلام...









 


 


 

هناك 11 تعليقًا:

بـابـل يقول...

لا تعلق لي وعودك
زينة بأعناق احتياجي
ترتجتي منها في يوم... وسط أحضانك أنام

شقول.........؟

والله دايما الفلاسفة يقولون الرجل يعبر عن الأحاسيس أكثر من المرأة

لكن بعد ماقريت هالمقطع من خاطرتك


"يِضـْرَبُوا الفلاسفة" على قولة إخوانا أهل الشام:)


فعلا تمتعت حدي بهالنص وبهالمشاعر المنفردة


شكرا لك ولأحساسك الطاغي


وبس


بابل

esTeKaNa يقول...

بعض الإبداع تقف امامة كلماتنا مكتوفة الأيدي!
تماما كوقوف كلماتي امام نصك الراقي
.
.

لا تعلق لي وعودك
زينة بأعناق احتياجي
ترتجتي منها في يوم...
وسط أحضانك أنام


تصوير بليغ
وصورة غايه بالروعه
دمتي راقية ومبدعه
:)

بنت أحمد يقول...

وين هالغيبة

اشتقنا لابداعك

بعد طول غياب جيتي بأروع الكلمات

راااااااااااااااااائع جداً

استمتعت بقرائته ولم أكتفي

شكراً لأناملك ونقاء سريرتك

Makintosh يقول...

لا تقول ولا أقول
ماله أي داعي الكلام...



:( الصمت يذبح

مي يقول...

روعة..
ذوق
رومانسية


وتسلميــــــــــن
:)

ضـاد يقول...

... بـابـل ...

:$





و مو بس






... esTeKaNa ...

:*










... بنت أحمد ...

هلا بالسعودية كلبوها
:)











... Makintosh ...

جان زين يذبح بالساهل! يخنق وانتي الصاجه













... مي ...

مــنورة
:)

تراب الكويت يقول...

لو أحاول ما أحاول
لو تحاول ما تحاول

!!!
على بساطتها
وصلت لاعماق المشاعر قسوتها

فعلا انت مبدعه في تصوير المشاعر

احيي قلبك .. ما شاءالله عليج

:)

شركة المثالية يقول...


شركة تسليك مجاري بالجبيل
شركة كشف تسربات المياه بالجبيل
شركة شفط بيارات بالجبيل
شركة نقل عفش بالجبيل

شركة المثالية يقول...


شركة تسليك مجاري بالاحساء
شركة شفط بيارات بالاحساء
شركة نقل عفش بالاحساء

المثالي ماكس يقول...

شركة المثالية لتنظيف الفلل بالدمام
شركة المثالية للتنظيف بالجبيل
شركة المثالية لتنظيف المنازل بالجبيل
شركة المثالية لتنظيف الفلل بالجبيل

المثالي اون لاين يقول...

شركة المثالية للتنظيف بالخبر
شركة المثالية للتنظيف بالدمام
شركة تنظيف منازل بالجبيل
شركة تسليك مجاري بالجبيل
شركة مكافحة النمل الابيض بالخبر
شركة مكا فحة النمل الابيض بالدمام
شركة تنظيف موكيت بالخبر