يـ زين زينك

ليت افهموا.. هاللي بعيدٍ.. مبعدينك
إني اقـْدر انـْسى.. كل قريبٍ.. ولا انـْساك

وش همهم.. ما همهم.. لو كل سنينك
عن كل سنيني.. تبتعد.. وما تلقاك؟

هم قصدهم.. بس ضيقتي.. و قاصدينك
ان الفرح.. لا تهتني به.. ولـَ يهناك



عـِز الألم.. لما اتـْركت.. ايدي ايدينك
يوم اضْحكوا.. من قلبهم.. هذا و ذاك

جعل الالم.. يقسى بهم.. حتى يلينك
يستاهلون.. كل شر جاهم.. قبل جاك

و جعل الفرح.. يسكن معي.. يبقى سـِكينك
طول العمر.. احنا الثلاثه.. في شباك

ماخذيني مبعديني.. عقبها.. أو ماخذينك
انا اعْرف إني.. مالـِيَه.. آخر مداك



ابقى معك.. تبقى معي.. عيني بعينك
قلبي معك.. روحك معي.. و انتا هناك

يكفي عيوني.. آخر ماتشهد.. زين زينك
حتى ولو.. خف النظر.. عقب روياك