في الله أحبك

بس بـَطري على بالك
خلـّني ذكرى تـُمر...
بين آلاف الصوَر
اللي تلعب في خيالك...

خلـّني زوُل يـِعبر
خلـّني همسة حنونة
تترك فـْقلبك أثر..

بس قربني بـخيالك
و انتَ مبعد في سـِفر

اذكـِر اني في حياتك
وحده من بين البشر

اذكـِر اني يوم اشوفك
بسمتي تبقى دهر...

تذكـِر أيام الدراسة
يوم اصادِفـْك بالممر؟

تذكـِر الرعشة بـحالي
تذكـِر النظرة الجبانة
تذكـِر البسمة البريئة
تذكـِر أنسام العطر؟...





تـَعـْرف انـّك في حياتي
كل شي مستمر؟
تـَعـْرف انـْك أحلى أمنياتي
و انـّك أحلامي البسيطة؟

تـَعْرف انـْك فـالدنيا منوة
تـَعْرف انـْك خالص مـُناتي
تـَعْرف انـّك ما وحشتني
زود ما شفت الصور!...

...تـَعْرف انـّك كل شي
و كل لا شي يـالعـُمر؟...

تـَعْرف انـّك حلم نومي
... و حلم صحوات السهر؟




تـَعْرف ان اللي خطبوني
و اللي جابولي مهر
..ما رضى فيهم شعوري
حتى كسرات لـغروري
ما أحد فيهم قـِدر...؟!






تـَعْرف اني ما نسيتك
من دُعاء ولا ذِكـِر؟

حتى انـّك كل دعائي
لهفتي لـُوصَل سجودي
و ادْعي قادر مقتدر...

تـَعْرف ان الدمعة تفرح
لما تنزل في دعائي
اول مانـْتا تنذكر؟...



تـَعْرف ان في الله أحبك
والله ان في الله أحبك
و دام في الرحمن حـُبك
إيه أحبك.. و افتخر




تـَعْرف انـّك ماتـْعرفني
حتى يمكن لو عـَبر
زولي مـَره في خيالك
ما تميزه.. مو قهر؟

عالأقل خلـْني بـخيالك
أطري لو حتى دقيقة
اذكـِر أيام الدراسة
اذكـِر البنت الرقيقة...
اذكـِر النشوى بـجسمي


حتى لو ما تـَعـْرف اسمي
يكفي ان أطري فـبالك...