13.2.09

تعبان فيني الحيل




انا تعبان فيني الحـيل .. ماهو قادر يقـوّيني
انا مهزوزه فيني الروح .. برودك ما يهـدّيها

ترى يكفيني لو إنك .. بكل لحظه تبجـِّيني
تسمِّعني
أنا آسف
.. و لك كل هفوة اعـدّيها

أما تقول لي
آسف .. في قلبي مابقى فيني

ولا شيٍ على شانج .. و فكرة (أبقى) سدّيها
!

تكلّمني عن أتعابك .. وكل مُر ذقته مع عيني
وعن طعم الشقى وياي .. غريبة بقسوة تبديها!

تشوف الموت يطريني .. و واقف ما تعزّيني
تطالع بيدك الساعه .. تفكـِّر "
أترك إيديـها؟!
"

همّي "
كيف من دونك؟
" .. وهمّك تترك إيديني
همّك تنـْشـِف الدمعه .. و همّـي وين أودّيـها؟

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها

خسارة الوقت ياعمري .. و كل أحلامج سنيني
حسافة أحلى لحظاتي .. لإيـدك بيـدي أهـْدِيها


هناك 33 تعليقًا:

esTeKaNa يقول...

الحب..
ان تجدهم في لحظات الضعف بجانبك
يحتوون ضياعك
ويجبرون بحنانهم كسر خاطرك
ينسونك لحظاتك ضعفك بدفئ احساسهم فيك
!!
اذا ما فقدت القلب كل هذا
سيتنهد وينطق قلبه:
انا تعبان فيني الحيل
ماهو قادر يقويني



اراح الله قلب من كتب هالكلمات
ابدعتي...واثرتي بالقلب كل احساس
مسائك شوق
وصباحك سعاده
:)

كبرياء وردة يقول...

همّي "كيف من دونك؟" .. وهمّك تترك إيديني
همّك تنـْشـِف الدمعه .. و همّـي وين أودّيـها؟

مميت ذلك الحب الذي يعطي ولا يتلقى
يعطي بلا حدود
ويتلقى الصفعة تلو الصفعة

دمعت عيناي على أعتاب أحرفك المؤلمة

أطلت الغياب

بنت أحمد يقول...

همّي "كيف من دونك؟" .. وهمّك تترك إيديني
همّك تنـْشـِف الدمعه .. و همّـي وين أودّيـها؟

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها

خسارة الوقت ياعمري .. و كل أحلامج سنيني
حسافة أحلى لحظاتي .. لإيـدك بيـدي أهـْدِيها


واااااااااااااااااو واااااااااااااو وااااااااااااااو

صح لسانك على هالأبيات الروعه

أعجبتني جداً جداً جداً

تحياتي لك

//

بانتظار جديدكـ

شكراً بحجم السماء على هذا التميز في العطاء

Najmah يقول...

تشوف الموت يطريني .. و واقف ما تعزّيني
تطالع بيدك الساعه .. تفكـِّر " أترك إيديـها؟! "

همّي "كيف من دونك؟" .. وهمّك تترك إيديني
همّك تنـْشـِف الدمعه .. و همّـي وين أودّيـها؟

نزلتي دمتي بهالكلمات
اعرف هالاحساس
واعرف هالشعور شلون متعب
ويجرح الخاطر
الله يبعد عن قلبج الالم
ويمليه بالسعادة
ولهنا عليج
:**

شغبـ أنثى !! يقول...

همّي "كيف من دونك؟" .. وهمّك تترك إيديني
همّك تنـْشـِف الدمعه .. و همّـي وين أودّيـها؟

:
:

أي أنثى أنتِ !


كلمات .. أرى من عليها بقايا الـ(دماء)

تلمع من هناك .. بعض آثار تلك الأدمع تعلوها !


أبكت قلبي !

شعورٌ مخزي بحق ..

أن يكونوا همـ .. دنيتك .. والـ"كل"
وأن تهرب دنيتك منك ..
وأن تترككـ وحيداً بعد أن يرحل الـ"كل"

أن تتلهف للحظة التي تجمعك بهمـ ..
وأن ينتظروا هُمـ .. لحظة الرحيل عنك !



قاتلٌ ..

شعورك ..




موجعٌ .. حدّ الـ نحيب !



تأوّهـٌ .. صاخب .. بين نقاطها !


وجرحٌ .. صامتٌ .. بين فراغاتها !



ضـــ ..


بعد طول غياب ..


بقدر ما اشتقتُ لكِ .. ولـ حرفِك ..


أبدعتي .. وبقوة !



موجعة يا أنثى ! (U)





ياسمينةٌ .. لـ روحك العذبة (F)

روري !! يقول...

حقًا .. راااااائعه

ماشاء الله عليكِ..

فعلاً موهوبه ..

أقحمتني داخل نصك .. غصب !!


و هذا فن لا يجيده الكثيرون .. :)

تسلم الأيادي ..

احساس انثى يقول...

ضاااد\\


يسعد لي صبااحاتكـ ياربـ ^^
اشتقتـ لكـ جداً..

العنوان"تعبان فيني الحيل"

يقودنا الا تدوووينهـ راااائعهـ جدااً

عباراتـ تحمل بين احرفها الاحساس لامثيل لهـ..


عزيزتي دمتي متألقهـ دوماً

//

تحياااتي ^^

Sn3a يقول...

تشوف الموت يطريني .. و واقف ما تعزّيني
تطالع بيدك الساعه .. تفكـِّر " أترك إيديـها؟! "

همّي "كيف من دونك؟" .. وهمّك تترك إيديني
همّك تنـْشـِف الدمعه .. و همّـي وين أودّيـها؟



جد والله
هذا البوست من البوستات اللي اقول ببالي يريت انا كاتبتها
بس اكيد
ماراح اكون كاتبتها بنفس اسلوبج

جد جد روعه

GUCCI-q8 يقول...

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها
خسارة الوقت ياعمري .. و كل أحلامج سنيني
حسافة أحلى لحظاتي .. لإيـدك بيـدي أهـْدِيها


wow

GUCCI-q8 يقول...

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها

لمن تهدينها ؟؟؟؟؟

Barrak يقول...

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها

استخدام كلمة خساره بالشطر الاول فيها الم فيها شجن

وواستخدام خساره بالشطر الثاني فيها عزه وعناد


اتعبتي فينا الحيل من روعة وصفك ودقة تصويرك


الله يحفظك

ضـاد يقول...

.. esTeKaNa ..

ماتقصرين عالدعوة و عسى الله يفرح لج قلبج ويديم عليج نبض الاحساسيس


ايامج حلوة
:)

ضـاد يقول...

.. كبرياء وردة ..

:*
هذي علشان الدمعه ومنج السماح
الله يشرح لج قلبج ولا يذيقج مر الدنيا ولا الآخره


اعذريني عالغياب
ترى ما له أسباب ,,


:)

ضـاد يقول...

.. بنت أحمد ..

صح لسانج يالغالية
اعذريني عالتقصير وانتي المشكوره على العطاء ولانحرمت من وجودج



:)

ضـاد يقول...

.. Najmah ..

والله بس وجودج هني يفرحني
انا تولهت عليكم كلكم بعد
ماتقصرين وعسى الله يفرح لج قلبج دنيا و آخره




:)

ضـاد يقول...

.. شغبـ أنثى !! ..

بعد عمري يا شغب
يازين جيتج عندي

سلامة قلبج وعسى الله ليوريج مثل هالشعور

وجعه توجع اللي يوجع لج موجع
p;

ولو اني ماحب الورد
بس

محل زهور كامل لج :*

ضـاد يقول...

.. روري !! ..

دامج شهدتي على روعته عيل أكيد رائع

توقيعج يشرفني

لانحرمت جيتج
:)

ضـاد يقول...

.. احساس انثى ..

يسعدلي ايامج
والله يبعدج عن هالاحساس
وما يراويج الا فرح و هنا

:)

ضـاد يقول...

.. Sn3a ..

هلا بالسنع
افاعليج بس!! وانا شالفرق اللي بيني وبينج
انا و انتي واحد

دام الاحساس متشابه ما يهم وصفه بالكلام وايد

شكرا اخجلتيني :$
:)

ضـاد يقول...

.. GUCCI-q8 ..

هلا بالغاليه والله
الـ واو مجرد شوفة اسمج


:)





لمن أهديها؟
لمن لم يهدني شيء
إلا التعب

ضـاد يقول...

.. Barrak ..

ما شاء الله عليك
مدرس احساس ماينخاف عليك

اعذرني عالتأخير... مبروك مشاعرك و احاسيسك

ان شاء الله راح اقراها في يوم


الله يحفظك ويرعاك يااخوي
:)

بـابـل يقول...

همّي "كيف من دونك؟" .. وهمّك تترك إيديني
همّك تنـْشـِف الدمعه .. و همّـي وين أودّيـها؟

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها


والله أتعب وأنا أقول عنك شاااعرة مبدعة

وكلامك غييير وفيه صور حلوة...


يسلم هالأحساس الطاااغي



وبس


بابل

كبرياء وردة يقول...

فرحتني ردتج :)

عاد تركي عنج الدلع

ولهنا على ابداعج

ميرامار يقول...

اين ضاد الحروف؟

لست فقط ممن غاب




اطلت الغياب يا ضاد!!

elq87obi يقول...

مساء الخير

آآآه يا ضاد إي و الله تعبان بس ما فيني حيل

بوستج روووعة أحس ترجم بعض مشاعري

يعطيج العافية يالغالية

ووينج خو :)

سلامي لج :)

غير معرف يقول...

خسارة تـِشهـِدَه ضعفي .. مدامك ما تقوّيني
خسارة تنتفض روحي .. ولا عارف تهدّيها

---
متعبة يا ضاد متعبة
جمعتي تفاصيل روح وجروح
ابدعتي فعلا ماشاءالله عليج

الله يحفظج :*

تراب الكويت

GUCCI-q8 يقول...
أزال المؤلف هذا التعليق.
Makintosh يقول...

والله انتي معرفتج كلش مو حسافه :*
اشتقت لج وايد واشتقت حق كلامج الي يتحرش باحساسي :)

غير معرف يقول...

؟؟؟؟؟؟؟

تراب

شركة المثالية يقول...


شركة تنظيف بالجبيل
شركة تنظيف مسابح بالجبيل

شركة المثالية يقول...


شركة تنظيف منازل بالاحساء
شركة تنظيف بالاحساء
شركة تنظيف شقق بالاحساء
شركة تنظيف مجالس بالاحساء

المثالي ماكس يقول...

شركة تنظيف بالجبيل
شركة تنظيف فلل بالجبيل
شركة تنظيف منازل بالجبيل
شركة تنظيف شقق بالجبيل

المثالي اون لاين يقول...


شركة تنظيف بالقطيف
شركة كشف تسربات المياة بالخبر
شركة مكافحة النمل الابيض بالقطيف
شركة تسليك مجاري بالقطيف
شركة تنظيف مجالس بالخبر
شركة مكافحة النمل الابيض بالجبيل
شركة تنظيف بالخبر