خجول؟ مرتبط؟ أو غير مهتم؟

كل مافيني يقول
كل مافيني يتكلـّمْ

لو مااداري هالعذول
انْطـِق يكفيني تلعثمْ

كل مااشوفك قـَبول*
بلا شعورٍ آتبسـّمْ

أعلن بجيتك وصول
راحه لـبال امتحطـّمْ

فيك كم يفْكر.. ويجول
في سما الشوق ويترنـّمْ

راجي ٍ قلبك ينول
بس رضاك وغيره ماهَمْ

بس يبي منك القُبول
لا تفكر.. قول بس تمْ

ماْقدر أخدَعْك و أقول
يكفي منك انك تسلـّمْ

ماكفاني شوُف زول
قلبٍ أبغى و روحٍ و دمْ

كلـّك و حتى هذول
عينك وعينك.. و هـالفـَمْ

هُم يَرُوني.. وذاك يقول:
" ربّي سبحانه اللي تمّمْ

عقل, وقلب, و زيْن طول"
واستحي منك وآتبلعمْ

كل ماْبتكلـّم وآقول
تبتسـِم.. و زود آتلعثمْ

شوف لي لقلبي حلول
ملّ من زود ما تـَحلـّمْ

لي متى واحنا و عذول؟
لي متى وانتا ملزّمْ؟

تترك الفجوه تطول
و عالصدود شكلك معزّمْ

بس تمثيل يالخبول!
أدري انك بـشوقي تـِعلمْ

ولّا فسّر لي حُصول,
صوبي مِقـْبل, و فيك مَبْسمْ *!!!

ليش لي دوم ما تزول
بسمتك؟... اللهُ أعلمْ

ودي بس لـِي وعلى طول
دايم الدوم هالتـّبسّمْ

يعني معقوله خجول؟
مرتبط؟ ولّا مو مِهتمْ؟






مااذْكر إني بنت عَجول!
قبل مااعشق فيك واغْـرَمْ

من عشقتك و دار حول
ألف مره أمشي وادْعَمْ!

ما فتـَنـِّي لون و طول
ما فتـَنـِّي كان أعظمْ

حالي بصعود و نزول
مرّه أفرح و عـَشره أَغـْتمْ

خَلـْق ربّي في ذهول!
حالي أصبح والله يصدِمْ

قلت لك شوف العذول
من لسانه بس أبـَسْلمْ





قبل يجي يوم الفلول
اغتنمها فرصه.. واغْـنمْ

بقلبي و فكري و هذول
لك.. ترى غيرك مايـِحلـَمْ

يالله بس أي شي قول
لو تأشر لي أنا اْفهمْ


يعني معقوله خجول؟
مرتبط؟ أو غير مـِهتمْ؟!!







____________
* قـَبول: تلفظ بالجيم القاهرية وليس بالقاف! و تعني "مجبل" باللغة الضادية الخربوطية!
* مبسم: و تعني ابتسامة مغموتة و ليس فم! هم باللغة الضادية الخربوطية إياها!

ملاحظة: طوفوا الكسور وخل عنكم القصور!
و بحضوركم يتم الفرح و السرور